Хэрвээ ИЗНН сонгуульд ялбал хамгийн түрүүн улс төрийн тавцанд том талбай эзлэх хүн бол хатагтай Ц.Энхтуяа. Маргаангүй, тэр чадна. Бүхэл бүтэн “Женко” группийг хоосноос өдий болтол зүтгэсэн түүний зүтгэлийн үр шим одоо ч өөрт нь ирсээр буй. Х.Баттулгад хоёр хүү, нэг охин төрүүлж өгсөн бүсгүй театрын тайз чимэглэлийн зураач мэргэжлийг гаргууд эзэмшсэний баталгаа гарт нь байна, Гэгээн муза. Бар жилтэй, тунчиг тэмцэгч, хөдөлмөрч энэ хатагтай авааль нөхрөө явуулсанаас бусдаар амьдралд алдаж үзээгүй биз. Гэсэн ч гоо сайхнаа хадгалж, гэсэн ч бизнесээ саадгүй удирдаж, гэсэн ч эрхэмсэг оршсоор байх нь хүчирхэг эмэгтэйн шинж.

Хэдий салсан ч гэсэн экс нөхөр нь охиныхоо хуриманд хүндэтгэл дүүрэн оролцож, гэргийгээ одоо ч хүндэтгэдэг нь түүний үнэ цэнийн илрэл. Улаанбаатарын төв цэг, Сүхбаатарын дүүргийн унаган хүүхэд Ц.Энхтуяа хотын бүсгүйн ганган дэгжин байдлаа ч хадгалсаар. Түүний энэ удаагийн соёл сувдан захтай дээл. Юун төлөө дизайнер хүн билээ, дахин давтагдашгүй өвөрмөц хувцасласан байна шүү. Экс нөхрийнх нь авааль гэргий зүс нь үзэгдэхгүй алтан торон дахь гургалдай шиг амьдарч байхад тэр цасан дээр мөртэй цаасан дээр мөртэй бардам оршиж чадаж байна. Магадгүй Женко Х.Баттулга түүнээс өөр бүсгүйг хүлээн зөвшөөрч олны өмнө гаргасан удаагүй биз. Хүн амьдралдаа жинхэнэ сувдыг олон олж авч, үзэх биш. Сувд бүсгүй замаар нэг хөглөрч хэвтдэг ч биш. Тэр ганцаараа эрхэм түшээгийн сувд шиг гэргий байсаар үлдэх нь. Одоо болтол дахин амьдрал зохиогоогүй нь ийм бүсгүйгээс гарамгүй араншин, эр нөхөртөө үзүүлэх хүндлэл байх шүү.

Эх сурвалж: www.grandnews.mn