Их л уяхан эмээгийн дүрээр ард түмэндээ хайрлагдсан “эмгэн” Бооёо сүүлийн нэг жилийн турш багагүй саад, бартааг туулав. Өөрийнх нь хойч үе, залгамж халаа гэгдэн байсан залуу жүжигчин Т.Билгүүн түүний СУИС-ийн кино драмын ангиас хуруу заан зүсэлж авсан дүү нь юм. Түүний нүд алдсангүй, жинхэнэ авьяастныг олж харсан. Тэд хоёулаа Төмөр замынх, хоёулаа 51-р сургуулийг төгссөн тул ихэд ойр санагдсан гэдэг.

Талийгаач хоёрдугаар курсээсээ хойш “Шинэ үе”-д ажиллажээ. Бооёо түүнд “Чи бол үеийнхнээсээ тасарч байна шүү” гэж хэлдэг байсан гэдэг. Буруу эргэлт“-ээс хойш шуугиант түрлэг болох дэлгэцийн бүтээл хийгээгүй байсан “Шинэ үе” хамтлагийнхан “Хөгжилтэй өдөр” киногоо саяхан нээсэн билээ. Тус кинонд талийгаач Т.Билгүүн тоглож “За чи нам авлаа ш дээ. Угийн од хүн. Гэвч энэ кино чамайг улам бүр мандуулнаа” хэмээх магтаалыг Бооёо ахаасаа сонсож байжээ. Энэ бүхнийг дурсан дурсан Бооёо, “Шинэ үе” хамтлагийнхан киногоо нүдэндээ нулимс цийлэгнүүлэн үзсэн юм.

Үнэхээр тус хамтлагийн дараагийн үеийн ур чадвар энэхүү бүтээлд шингэсэн, харагдсан гэж хэлэхэд хэтрүүлэг болохгүй. Ямартай ч үзэгчид Бооёо, тэдний хамтлагийг халуун алга ташилтаар угтаж авав. Бооёогийн хорь ч хүрээгүй хонгор зүстэйгээсээ нөхөрлөсөн найз Амбий нь өөд болоход тэр мөн л гуниглав. Гэвчиг урлагийн хүн гэдэг юу ч болж байсан үзэгчдийн өмнө уруу дорой царайгаа харуулах ёсгүй билээ.

Киногоо үзэгчдийн хамт нээж, охидоо дагуулан нээлтэнд ирсэн Бооёог ард түмэн халуун сэтгэлээр угтаж авав. Ямартай ч амьдралын нэгэн том давааг давж, хамгийн чухал нь үзэгчдэд зориулж удаан хугацааны турш бэлдсэн уран бүтээлээ тэр хүргэж чадлаа. Ард түмэн тэднийг мөн ч их хүлээснийг мэдээд айдгаа авдартай хийсэн мэт сэтгэл нь амарсан биз ээ. 

Эх сурвалж:www.Grandnews.mn