Загвар өмсөгч, мисс Т.Батцэцэг саяхнаас “Хангарьд” ордонд гунхах болжээ. Загварынхан дунд олон Батцэцэг байдаг болохоор андуурч магадгүй. Дэлхийн мисст оролцож байсан Батцэцэгийг ярьж байгаа шүү. Мисс бүсгүйг туслахаа болгосон азтай дарга уг нь Хотын захирагч Су.Батболдын хамаатны дүү Ц.Ариунбаяр юм байх. Гэтэл мань хүн нийслэлийн Хөрөнгө оруулалтын газрын даргаар ажиллаж байгаад сарын өмнө шахуу чөлөөлөгдсөн болохоор оронд нь Чингэлтэй дүүргийн Засаг даргын орлогчоор ажиллаж байсан Б.Мөнхбат очжээ.

Нийслэлийн хөрөнгө оруулалтын газрын даргын туслах болж, төрийн албанд гүйгээд завгүй болсон мисс бүсгүйд энэ ажил нь цаашдын карьер хөөхөд хэрэг болох ч юм билүү. Загварын шоуны урилгад дарагдаастай, саяхан хүртэл гадагшаа загварынхантай аялаад ирсэн, завсар зайгаар нь тайзны алхаа, гоо зүйн хичээл заадаг гээд их л завгүй амьдардаг болохоор эхэндээ ч төрийн алба  хатуудах л байх даа.

Эх сурвалж: ГРАНД СЭТГҮҮЛ