Драмын театрын жүжигчин Тодгэрэл болон жүжигчин Шүүдэрцэцэг нар чамгүй дуулиантай хосын тоонд багтдаг. Анх харилцаагаа ихэд нууцалдаг байсан ч хайранд умбаад, халамжлуулаад ирэхлээр ямар ч эмэгтэй хүн зөөлөрдөг гэдэг шиг бүх зүйлс ил болж эхэлсэн. Тэднийг хүмүүс хүүхэдтэй боллоо гэх дуулиан хаа сайгүй газар авсан. Харин энэ мэдээлэл ямар ч үндэслэлгүй аж. Залуу хосууд насаараа л аав ээж байхаас хойш залуу насандаа хоёр биедээ цаг хугацаа, бүхнээ зориулахыг илүү их анхаардаг гэнэ.

Хайрандаа эрхлэн жаргах хосууд романтик аялалаа Бали аралаас эхлүүлэхээр болж. Энэ долоодугаар сарын сүүлээр Бали арал руу аялах аж. Хайрын аялалаа тэп зургаан хоног долоон өдөр үргэлжлүүлэхээр төлөвлөжээ. Харин хамгийн том гэнэтийн бэлэг нь энэ намрын эхэн сард сүй тавих тов гаргасан сайхан мэдээтэй. Залуу хосууддаа аз жаргал хүсье!

Эх сурвалж: ГРАНД СЭТГҮҮЛ