“Хүлээцтэй, нэг нэгийхээ үгийг тэвчин сонсож байж л урт удаан хамт амьдарна шүү дээ” гэж сургамж өгдөг хүмүүс бол Ардын жүжигчин П.Цэрэндагва, түүний гэргий Д.Мэндбаяр нар. 15 насны зөрүүтэй амьдралын сайхан хань, урлагийн алтан партнерууд нэгэн үеийн төлөөлөл болсон үлгэр жишээ гэр бүл билээ. Урлагт 60 шахам жил үнэнчээр зүтгэж, “Энэ хүүхнүүд үү” киноноос улбаатай залуу насны дүрээ алтан үеийн сайхан бүтээлүүдэд мөнхөлсөн Ардын жүжигчин Д.Мэндбаяр нөхрөөсөө 15 насаар эгч гэхэд нас чацуутан юм шиг л харагддаг. Арга ч үгүй биз, урлагийн хүмүүсийн сэтгэл нь ч, төрх нь ч залуухнаараа байдаг гэдэг бус уу. Харин тэд энэ удаа нөхрийнхөө тоглосон киноны баярыг хуваалцаж яваа нь энэ. Үргэлжийн мөнх залуу насны хайраар бие биенээ хайрлаж, хүндэлж явдаг эрхэм гэр бүл бидний дуранд ийнхүү тусчээ. 

ЭХ СУРВАЛЖ: ГРАНД СЭТГҮҮЛ