Уяхан хоолойтой, туяхан биетэй гэгддэг байсан С.Сэрчмаа охиныхоо аав, өвөрлөгч эртэй эргэн нийлэх гэж байгаа тухай саяхнаас шуугих болжээ. Гэхдээ энэ тухай ил гаргаж яриагүй байгаа дуучин бүсгүй Sally’s продакшнаа ажиллуулж, бизнес эрхлэн, эх орондоо амьдарч байгаа нь бол үнэн. 

Тоглолт, уран бүтээл зэргээ түр мартсан тэрээр саяхны нэгэн тоглолтод үзэгчийн хувиар ирэхдээ полка даашинз, мөрөн дээрээ гал улаан сарнайн гоёлтой хар пальтойтой гангарчээ. Үсний засалт, том том бөмбөгөр цагаан хүзүүний зүүлт, сарнай дэлбээтэй мөнгөлөг ээмэг зэрэг нь даашинзиндаа зохицуулах гэсэн санаа байсан юм болов уу!!! Гэхдээ энэ удаа тэр тун бүтэлгүй сонголт хийжээ. Юуны түрүүнд тэр охиныхоо хүзүүний зүүлтийг андуураад зүүчихээ юу гэмээр харагдаж байна. Ээжийнхээ хувцас, зүүлтнээс юу хамаагүй шүүрч аваад, гангалах дуртай охид байдаг даа. Яг тэдэн шиг ч юм шиг. Гэхдээ тэр полка сонголтдоо тун сэтгэл хангалуун, намбалаг, өөртэй итгэлтэй харагдаж байсан. Өөрийн сонголт өөртөө зөв дөө. 

ЭХ СУРВАЛЖ: ГРАНД СЭТГҮҮЛ