Америк, Монголын хамтран 3 жилийн хугацаанд хийж гүйцэтгэсэн “Дайн” буюу “War” уран сайхны кино тавдугаар сарын 21-нд iCinema кино театрт нээлтээ хийлээ. Энэ киног үзэхийг хүссэн хүн бүрт зориулан, үзэх ёстой дөрвөн шалтгааныг жагсаалаа.

  1   Залуу уран бүтээлчдийн сэтгэлгээний онцлогыг мэдрэхийг хүссэн, хэт мэдрэмтгий биш, хүнд мэдрэмжийг хүлээж авах дуртай хүнд зориулсан гэж хэлж болно. 

   2     Энэ кино нь хэтэрхий харанхуй, хэцүү амьдралыг харуулсан ч таны айж байгаа, тэмцэж байгаа зүйл маш жижигхэн зовлон гэдгийг өөрөө ойлгохыг хүссэн хүн бүрт нээлттэй.

  3   Монголд анх удаа бүтээсэн аймшгийн, тулаант жанр хосолсон кино. Киноноос хэцүү ч гэсэн сэтгэл хөдлөлийн тулсан мэдрэмжийг мэдрэх болно.

  4   Жүжигчин, хөтлөгч Э.Ууганбаярыг та бид үргэлж хөгжилтэй, инээдтэй дүрээр нь мэднэ. Харин энэ удаа тэр  “Дайн” киноны гол дүрд тоглохдоо өөрийгөө эвдэж, эсрэг дүр бүтээжээ. 

Т.БАТЦЭНГЭЛ