Аавын бийд газар үз, аавын бийд хүнтэй танилц гэж аргагүй л үнэн үг. Дамбын Хишгээгийн хүү Мөнхжин амьдралын энэ алтан зарчмыг алдахгүйгээ мэднэ. Ерөнхий сайд У.Хүрэлсүхийн Хятадад хийсэн айлчлалын бүрэлдэхүүнд аавтайгаа хамт багтаж явна гэдэг хэр баргийн аавын хүүд олдохгүй боломж. Монгол, Хятадын бизнесмэнүүдийн форумд оролцсон Мөнхжингийн алсын хараа хаа хүрэхийг мэдэхгүй. Түүний аав Д.Хишигжаргал сүүлийн жилүүдэд бизнесээс гадна хэвлэл мэдээлэл, төрийн бус байгууллага, спорт гээд олон салбарт оролцоотой явах болсон. Монголын цанын холбоог удирддаг, өдөр тутмын “Үндэсний шуудан” сониныг өмчилдөг гээд аав, хүү хоёрын олон нийтийн идэвхи, сонирхол ихэд нийцдэг бололтой.

Б.БИЛЭГ