Монголын хүсэмжит бүсгүйчүүдийн тоонд багтдаг жүжигчин Р.Анхням Азидаа данстай чадварлаг жүжигчин. Ихэнхдээ л эротик дүр оногдоод байдаг болохоос биш амьдрал дээр тун цэгцтэй, гэрийн сайн эзэгтэй. Тэрээр инстаграмдаа залуу охид, бүсгүйчүүдийг өөрөөрөө байхыг зөвлөдөг. Брэнд үгтэй ч болсон. “Та нар байгаагаараа л үзэсгэлэнтэй” гэж. За тэгээд өөрөө ч тэр үгэндээ үнэнч, үзэсгэлэнтэй  бүсгүй дөрөвдүгээр сарын 22-ны үдэш “Травиата” дуурийн тоглолтод зэгзгэр алхаа, будаггүй төрх, үндэсний хувцсаараа гоёж ирсэн нь энэ. Р.Анхням ер нь сүүлийн үед олон нийтийн арга хэмжээнд байгалиас заяасан унаган төрхөөрөө, элдэв будаг чимэггүй ирэх нь олонтаа болсон. Үнэхээр л будаггүй төрхийг алдаршуулж яваа бүсгүй шүү.

Т.БАТЦЭНГЭЛ