Бүгд Найрамдах Буриад улсын Н.А.Семашкогийн нэрэмжит улсын клиникийн эмнэлэгтэй Баянгол дүүргийн Эрүүл мэндийн төв хамтын ажиллагааны гэрээ байгууллаа.Хоёр улсын эмч, эмнэлгийн мэргэжилтнүүд нийгмийн эрүүл мэнд, уламжлалт анагаах ухаан, хүүхдийн нарийн мэргэжлийн чиглэлээр харилцан туршлага солилцох зорилгоор танхимын болон клиникийн сургалтад хамруулах, сувилахуйн тусламж үйлчилгээний чанарыг сайжруулах зорилгоор харилцан туршлага солилцон хамтран ажиллахаар гэрээнд тусгажээ. Түүнчлэн талууд уламжлалт анагаах ухаан, хүүхдийн нарийн мэргэжлийн чиглэлээр үзлэг, оношилгоо, зөвлөгөөг хамтран зохион байгуулж, зайлшгүй шаардлагатай үед хоёр улсын иргэд хөнгөлөлттэй үнээр үйлчлүүлэх боломжтой юм байна.