Төрийн үйлчилгээг алслагдсан хороодын оршин суугчдад ойртуулахыг зорьсон уг арга хэмжээ 12-р дугаар хорооноос эхэлсэн бөгөөд энэ сарын 15-нд XIII хороо, 17-нд XIV хорооны иргэдийг  хамруулах юм. Тус үйл ажиллагааны үеэр иргэдийн өргөдөл гомдол, санал хүсэлтийг хүлээн авч, хууль зүйн туслалцаа, зөвлөгөө өгөх, жижиг дунд үйлдвэрлэлийн зээлийн талаарх танилцуулга, өрхийн үйлдвэрлэл эрхлэгчдийг бүртгэх, явуулын худалдаа үйлчилгээний талаар мэдээлэл, төрсний гэрчилгээ, гэрлэлтийн бүртгэл зэрэг үйлчилгээ үзүүлэх аж.
Түүнчлэн дүүргийн Татварын хэлтэс өөрөө явагч болон автотээврийн хэрэгслийн албан татвар, агаарын бохирдлын татвар хураалтын үйлчилгээ, сургалтын төлбөр болон орон сууцны хөнгөлөлт, чөлөөлөлтийн талаарх үйлчилгээг иргэдэд хүргэхээр төлөвлөжээ.

Манай сайт танд таалагдаж байвал LIKE хийгээрэй. Танд баярлалаа.