Монголбанкны ерөнхийлөгч асан Н.Золжаргалыг АТГ-аас саатуулан шалгаж эхэлсэн. Тодруулбал, түүнийг 11-р сарын 30-ний орой саатуулан ШШГЕГ-ын Цагдан хорих 461 дүгээр ангид хорьсон байна. Түүнийг “Чингис бонд”, “Үнэ тогтворжуулах хөтөлбөр”-тэй холбоотой хэргээр эрүүгийн хэрэг үүсгэн шалгаж эхэлсэн гэх мэдээдлэл цацагдсан.

Харин түүнийг өнөөдөр хилийн хориг тавьж суллахыг Чингэлтэй дүүргийн Эрүүгийн хэргийн анхан шатны шүүхээс гаргасан тухай мэдээлэл гарсан байна. Тодруулбал Нийслэлийн прокурорын газраас өнөөдөр Н.Золжаргалыг Монгол Улсын хилээр гарахыг нь хориглож, батлан даалтад гаргах саналыг шүүхэд хүргүүлжээ. Прокурорын байгууллагын саналыг шүүх хянаж үзээд, Шүүхийн шийдвэр гүйцэтгэх ерөнхий  газрын харьяа хорих 461 дүгээр ангид саатуулагдаж байсан Н.Золжаргалыг суллах шийдвэрийг ийнхүү  гаргасан ажээ.