Ардчиллын алтан хараацайнуудын нэг, Төр, нийгмийн нэрт зүтгэлтэн С.Зориг агсны хөшөөнд АН-ын удирдлагууд, УИХ-ын гишүүд, Ардчилсан хувьсгалын зүтгэлтнүүд цэцэг өргөлөө.

С.Зориг 1998 оны аравдугаар сарын 02-нд бусдын гарт амь насаа алдсанаас хойш 19 жил болж байна. Өнгөрсөн 19 жил Монголын ард түмэн, төр засгийн удирдлага, ардчиллын зүтгэлтнүүд С.Зориг агсны төрсөн өдөр болон амь насаа алдсан өдрөөр нь түүнийг хүндэтгэн дурссаар ирсэн юм.