УИХ-ын дарга М.Энхболд захирамж гарган, УИХ-ын ээлжит бус чуулганыг энэ сарын 30-наас ирэх сарын 7-ны өдөр хүртэл хуралдуулахаар болсон. Учир нь УИХ-ын нэр бүхий 30 гишүүн Засгийн газрыг огцруулах санал өргөн барьсантай холбоотой. Энэ дагуу өнгөрсөн долоо хоногт Төрийн байгуулалтын байнгын хороо хуралдаж, Засгийн газрыг огцруулах эсэх асуудлыг хэлэлцсэн. Улмаар 9 гишүүн татгалзсанаар Ерөнхий сайд Ж.Эрдэнэбатын Засгийн газрыг огцруулах шаардлагагүй юм байна гэж үзсэн.  Харин уг асуудлыг УИХ-ын чуулганы нэгдсэн хуралдаанаар хэлэлцэж эцэслэн шийдвэрлэнэ.