Хөдөлмөр, нийгмийн хамгааллын сайдаас санаачилж, Эрүүл мэнд, нийгмийн даатгалын ерөнхий газарт өгсөн үүрэг даалгаврын дагуу Төрийн албан хаагчийн цалингийн зээлийг шимтгэлгүйгээр, бага хүүтэйгээр олгох ажлыг ХААН болон Төрийн банктай хамтран 2017 оны 05 дугаар сараас эхлүүлэн амжилттай хэрэгжүүлж байна.

Дээрх банкуудаар дамжуулан цалингаа авч буй нийгмийн даатгалын шимтгэлийг 5-аас доошгүй жил, үүнээс сүүлийн 1 жил тасралтгүй төлсөнтөрийн өмчийн ерөнхий боловсролын сургууль, цэцэрлэг, эмнэлэгт ажиллажбуйбагш, эмч, ажилтнууд 6 хүртэл сарын цалингийн зээлийг шимтгэлгүйгээр, 18 хувийн хүүтэйгээр авч байна.

Нэг ажилтанд олгох цалингийн зээлийн хэмжээ 6 сарын цалингийн нийлбэр дүнгээс хэтрэхгүй бөгөөд зээлийн шимтгэл 1% төлж байсан бол шимтгэлгүй /0%/ болж, зээлийн хүү 3-5 хувиар буурч, жилийн 18.0/арван найм/ хувийн хүүтэй боллоо.

Ажилтан 6 сарын цалингийн нийлбэр дүнгээс илүү хэмжээгээр зээл хүссэн тохиолдолд банкны эх үүсвэрээр олгож буй зээлийн нөхцөлөөр зээл авах боломж нь нээлттэй байна.

Төрийн албан хаагчийн цалингийн зээлийн шимтгэлийг тэглэж, хүүг 3-5 хувиар бууруулснаар эдийн засгийн хүндрэлтэй өнөө үед датгуулагч, ажилтнуудын санхүүгийн хүндрэлийг багасгах, нийгмийн даатгалын шимтгэл төлсөн даатгуулагчдыг дэмжих, урамшуулах, нийгмийн даатгалд хамрагдах хамрагдалтыг нэмэгдүүлэх зэрэг ач холбогдолтой юм.