.Саяхан Улсын Их Хурлын гишүүн О.Баасанхүү хар тамхины хэргийг хуулиар цагаатгаж буй асуудлыг эсэргүүцэж олон нийтэд хандаж мэдэгдэл хийсэн билээ. Түүнчлэн УИХ-ын чуулганы хуралдаан дээр “Дэд сайдуудад зарцуулах мөнгийг хар тамхитай зарцуулах ажилд зарцуулья” хэмээн санал гаргасан нь мэргэжлийн засгийн газрын үед томилогдон ажиллаж байгаа дэд сайдуудын дургүйцлийг хүргэсэн бололтой. Учир юу вэ гэвэл “Шилэн цогоо” гэж нэрлэгдэх Зам тээврийн дэд сайд Б.Цогтгэрэл твиттер хуудаснаа “Цайны цагаар Баацанхүүгийн уншаагүй Эрүүгийн хууль, Хар тамхи мансууруулах бодисын талаар бичлээ. Эргүү хог ухаарах байлгүй”, “Өмнө нь мими-г мансууруулах бодист тооцдоггүй хуультай байлаа. Одоо тооцдог болсон!!!!!!. Баацанхүү уншаагүйлдээ.”, “О.Баацанхүү хуулиа уншиж баймаар байна!!!!!! Хар тамхины асуудал Эрүүгийн хууль дээр ялын хугацаа нэмэгдсэн. Нэр төрөл нэмсэн. ҮХЭВ!!!!!!” гэх мэтчилэн зүй бус үг хэллэгээр жиргэжээ. Орчин цагийн Монгол төрийн үнэлэмж, ноён нурууг Төрийн түшмэдийн бие авч явах соёл, олон нийттэй харилцаж буй үйл хөдлөлөөр нь дүгнэхэд ийм л түвшинд хүрчихсэн харагдаж байна. Олон нийтийн зүгээс О.Баасанхүү гишүүнийг “Шилэн цогоог дэд сайд биш байхад наа хүн чинь УИХ-ын гишүүн байсан юм шүү” гэх мэтээр өмгөөлж хамгаалсан байлаа. Өнөө цагт намын дарга нарын цүнхийг хэн идэвхитэй барьсан нь төр засагт албан тушаал авдаг гаж үзэгдэл газар авсныг ард түмэн шилэн цонхоор харж байгаа. Аливаа хүн албан тушаал авч болно. Гэхдээ албан тушаалтай боллоо гээд хэнийг ч доромжлох эрх байхгүй. Зөрчлийн хууль удахгүй хэрэгжиж эхэлнэ. Харин Шилэн Цогоо зөрчлийн хууль хэрэгжиж эхлэхээс өмнө амжиж өнөөгийн парламент сөрөг хүчин хийж байгаа ганц дайчин О.Баасанхүүг доромжлов уу?