УИХ-ын гишүүн О.Баасанхүү өрөөгүй болсон тул эд зүйлсээ хүлээлгэн өгөхөөр Улсын Их Хурлын Тамгын газарт албан бичгээ хүргүүлсэн байна. Түүнийг хуучин өрөөндөө байрлаж ажлаа явуулж байгаа гэх мэдээллийг үгүйсгэлээ. 

УИХ-ын Тамгын газраас өрөөгөө суллаж өгөх хүсэлтийг тавьсанд тэрбээр “Ямар өрөөнд оруулахаа хэлээгүй, мөн МАХН-ын төлөө саналаа өгсөн 140 мянган гишүүний төлөөллийг бие даагчийн нэгэн адил үзсэн нь зүйд нийцэхгүй” хэмээн үзэж,  УИХ-ын дарга М.Энхболдын өрөөний ойролцоох коридорт ширээ тавин суусан юм.