"Наран трейд" ХХК-ийн эзэн, УИХ-ын гишүүн асан С.Болдхэт "Нэг хүнд цалин өгч үзээгүй хүмүүс төрийн бодлого гаргаж байна" хэмээн бухимдлаа. Монголын бизнес эрхлэгчид дэлхийн хаана ч байхгүй хүнд нөхцөлд ажлын байраа хадгалан, улсдаа татвар төлж, үйл ажиллагаагаа өргөжүүлэхээр тэмцдэг. Гэтэл Монгол төрийн бодлого албан ёсны бизнес эрхэлж буй хүмүүстээ халтай, хууль бус луйварчдад ээлтэй явсаар л байна гэдгийг ч онцолсон юм.

Мөн тэрбээр "УИХ-ын гишүүнээр баячуудын хүүхдүүд, даргын цүнх баригчид, хуйвалдаан зохион байгуулагчид, цагаан гартнууд сонгогдон гардаг болсноор төрийн бодлого дундаж давхаргадаа огтхон ч чиглэхээ болилоо. Хүнд цалин өгч үзээгүй хүмүүс шударга тогтолцоог бий болгохгүй, ойлгохгүй.  Бизнес эрхлэгчдийг төр дэмжье гэвэл НӨАТ-ын татварыг 10 хувь биш 5 хувь болго. Банкны зээлийг дэлхийн жишигт нийцүүлье" хэмээсэн юм. Магадгүй энэ байдал цааш үргэлжлэвэл бизнес эрхлэгчдийн тэмцлийн хэлбэрт шилжих нь.