Их хурлын гишүүн олон боловч Н.Батцэрэг шиг даруухан “цэрэг” амьдралтай нь хэд билээ. Эднийх 4 хүүтэй өнөр бүл. Хөвгүүд нь барагтай бол хэвлэлийн дуран хараанд онилогддоггүй. Харин энэ удаад дунд хүү нь ээж, гэргийн хамт “Торго” шоунд зочлов. Б.Цолмон хэмээх энэ хархүү “Energetix” брэндийг эх орондоо гэргийн хамт нэвтрүүлж их хотынхныг энергийн соронзон чулуун ээмэг зүүлт, акссесуарт дурлуулсан. Гэм нь “Гоёл” наадмаас өгсүүлээд томоохон арга хэмжээг брэндээрээ ивээн тэтгэсэн ч цагаа тулахад тайзан дээр гардаггүй нууц ноёнтон. Топ Пүүжээгээс авахуулаад загварынхан, “Харанга”, “Никитон” тэргүүтэй рок попчид тус брэндийн үнэнч хэрэглэгч. Саяхнаас Италийн гар урлал “Daniel Vior” брэндийг залуу хосууд зөвхөн VIP байдлаар хүргэлттэй зарж эхэлсэн нь хотын гангачуудыг хуйлруулж буй гэнэ лээ. Бизнес хатагтай нар, дуучид, хуурчид ихэд өргөнөөр эл брэндийг хэрэглэх болсон нь төдөх юмгүй л олны анхааралд аваад ирлээ л дээ. Б.Цолмон хүү үүгээр зогсохгүй “Дөрвөн улирал” хэмээх сүрлэг хаус Бэлхэд сүндэрлүүлсэн бөгөөд тансаг нүсэр хотхон энэ шавилхан залуугийн бүтээн байгуулалт гэдгийг мэдсэн хүмүүс алмайрдаг юм билээ.
Ердөө 30 шүргэх насанд хэд хэдэн брэндийг зах зээлд нэвтрүүлсэн шинэ залуу бизнесмэн хүүгээ аав нь ёстой өндгөө дарсан тахиа шиг олны нүднээс нууж л дээ. Үлгэр жишээ хөдөлмөрч залуу гэр бүл цаг үетэйгээ хөл нийлүүлэн урдахаа нямбай хийсээр эрхгүй цаг нь ирж гарч ирлээ. Юм юм гарахаар сүйхээтэй элдэвтэй хосууд энэ удаад ээжийгээ баярлуулж явна. Харин өрхийн тэргүүн Н.Батцэрэг тэгтлээ нийтийн арга хэмжээнд саатдаггүй даруу хүн дээ. Ёстой нэр шигээ цэгцтэй улс төрчийн ийм нэгэн цэгцтэй хүү цахиур хагалж байна.
Сэтгэгдэл (11)