Хадам ээж бэр хоёрын халуухан агшин. Монголын сайхан залуу Т.Бат-Оргилын шинэхэн сүйт бүсгүй Д.Нандинцэцэг, Төрийн соёрхолт Н.Сувд хоёр хөтлөлцөнхөн яваа сонин агшин. Ингэхэд цуутай хүүхэн хуримгүй шатыг алгасан сайхан гэр бүлтэй болж үр хүүхдээ өсгөж тэгш амьдарсан Н.Сувдад амьдрал бэрийн тал дээр тун харамч хандсан гэлтэй. Ээжийнхээ гоо төрх, удам судрын гялбаа, мундаг генийн үргэлжлэл болсон хөвгүүд ямар бүсгүйг бэрээр дагуулж ирснийг ард түмэн мэдэх хойно. Т.Бат-Оргил нь дуулж хуурдан ээжийнхээ араас хурдтай гарч ирэхээр яралзаж явсан ч нэг л мэдэхэд өөрөөсөө эгчмэд хоёр хүүхэдтэй бүсгүйтэй гэрлэсэн. Бага хүү нь бас л хөгжим урлаг гэж явж явж харь нутгийн шар үст, шонхор хамарт бүсгүй дагуулж ирсэн. Мэдээж эх хүн нэгийг бодож, хоёрыг санаж ил гаргахгүй ч сэмэрч л суусан байлгүй. Хүү өсгөөд ер нь хэрэггүй хүний л хүн болдог гэдэг дээ.
Цагтаа охидыг хуйлруулж явсан Т.Бат-Оргил өөрөөсөө эгчмэдийн дээр хоёр дагавар хүүхэдтэй бүсгүйн сонголт хийхэд сэмэрч явсан охид тэртээ ерээд оны арваннаймтууд. Тэр цагаас хойш хилийн чанадад хэсэг хугацаанд амьдарсан Т.Бат-Оргил энэ удаад өөр сонголт хийж, хоёр дахь амьдралд хөл тавьсан нь тодорхой болоод буй. Д.Нандинцэцэг хэмээх энэ бүсгүй гуч шүргэх насандаа “Да чин лоу” хуулийн фирмийг эх орондоо нутагшуулж, урд хөршөөс орж ирэх хөрөнгө оруулалт бүрийг “баздаг” овсгоотой бизнесмэн, дэгжин шаавайгаараа дээдсийн хүүхнүүдтэй жишигддэг бийлэгжүү гэхчлэн олон тодотголтой бүсгүй. Гял цал намтартайгаас гадна өмнө нь ямар нэг амьдрал, нэр хоч байхгүй гэдэг бас нэг чухал үзүүлэлттэй. Сайхан Н.Сувд ийм дайны бэртэй баймаар даа гэж олон нийт ч таашааж буй байдалтай. Санаа дагаад ч тэр үү, бэр хадам хоёрын ерөнхий харагдах байдал төстэй ч юм уу. Ингээд хамтдаа алхаж олон нийтийн арга хэмжээнд үзэгдэж эхэлсэн нь их хүлээн зөвшөөрөлтийн эхлэл гэлтэй. Бодоход өмнөх бэр нь хадам ээжтэйгээ бүү хэл нөхөртэйгөө ч гадуур явдаггүй нууцлаг эмэгтэй байж.
Сэтгэгдэл (63)