Монгол охин Өмнөд Солонгосын Үндэсний урлагийн их сургуулийн “Шилдэг төгсөгч” болж, сургуулийнхаа нэрэмжит бөгжөөр шагнуулсан талаар саяхан хэвлэл мэдээлэлээр шуугиж байсан билээ. Тэгвэл тэр авьяаслаг охин маань эх орондоо ирчихсэн кинонд тоглож урилганд дарагдаад байгаа дуулдана. Түүнийг Бямбанямын Янжиндулам гэдэг.
Тэрбээр саяхан нээлтээ хийсэн “Амьдралоги” уран сайхны кинонд Гэгээнхүслэн хэмээх бүсгүйн дүрд тоглож үзэгчдын анхаарал татсан жүжигчдын тэргүүн эгнээнд явж байна. Тэрбээр спортын гимнастикийн Олон улсын хэмжээний мастер цолтой бөгөөд улсын шигшээ багийн тамирчин байсан. Мөн “NTV” телевизээс зохион байгуулсан “Би бүжиглэж чадна” реалити шоуны тэргүүн байрын эзэн, 2015 онд Өмнөд Солонгосын Үндэсний урлагийн их сургуулийнхаа “Шилдэг оюутан” гээд чамгүй амжилтаараа үеийн залуусаа манлайлж яваа бүсгүй. Тийм ч учраас түүнийг товчхон тодорхойлоход тамирчин, жүжигчин, манлайлагч хэмээн нэрийдэж, ирээдүйд ихийг дуулгах жүжигчин хэмээн мэргэжил нэгт жүжигчид нь тодорхойлоод буй.
Эх сурвалж: www.grandnews.mn
Сэтгэгдэл (4)