Гэгээн бүхнийг түгээхийн төлөө жүжигчин болсон гэх энэ хөөрхөн бүсгүйг танихгүй хүн тун цөөхөн биз. Хамгийн сүүлд -Приусны босс" кинонд дүр бүтээсэн жүжигчин Б.Батмаа нээрээ л кино урлагт гэрэл гэгээ татуулан орж ирсэн жүжигчин. Өнөө цагийн кино урлагийн өнгө төрхийг тодорхойлж яваа сайхан бүсгүйчүүдийн эгнээнд төвөггүйхэн орж ирсэн жүжигчин Б.Батмааг орчин үеийн Мандухай ч гэж олон нийт харьцуулдаг. Монгол бүсгүйн гоо үзэсгэлэнг цогцоор нь бүрдүүлсэн жүжигчин Б.Батмаа киноныхоо нээлт дээр үндэсний хэв маягтай хүрмээр гангарч ирсэн нь энэ. Энгийн хэрнээ тансаг хүрэм нь монголжингоо бүсгүйд зохисон гэж ванлий. Үнэтэй брэндийн хувцасаар өвч гоёж олон нийтийн хэл амны бай болж байснаас үндэснийнхээ дээл хувцасыг өөртөө тохируулан өмсөх нь ямар ч монгол хүнд сайхан харагддаг. Нууц нь монгол дээлэнд ч бий өнгө донжийг нь тохируулан өмссөн хүнд ч бий гэж нэгэнтээ хэлснийг жүжигчин Б.Батмаа ягштал баримталсан бололтой.
Эх сурвалж: www.grandnews.mn
Сэтгэгдэл (14)