С.Зоригийн амь насыг бүрэлгэсэн хэргийг шүүхээр шийдвэрлэсэн. Тодруулбал, хэрэгт сэжиглэгдээд байсан Б.Содномдаржаа, Т.Чимэгээ, Ц.Амгаланбаатар нарыг С.Зоригийн амь насыг захиалгаар хөнөөсөн гэж 24-25 жилийн хорих ял оноосон юм. Гэвч шүүхийн шийдвэрийг хүлээн зөвшөөрөхгүй гэдгээ С.Зориг агсны дүү УИХ-ын гишүүн асан С.Оюун мэдэгдсэн. Мөн ард түмэн ч шүүхийн шийдвэрт эргэлзээд байгаа юм.

Тэгвэл 1998 оны аравдугаар сарын 02-ны өдөр Улсын Их Хурлын гишүүн, Дэд бүтцийн хөгжлийн сайдын үүрэг гүйцэтгэгч С.Зоригийн амь насыг хохироосон Ц.Амгаланбаатар нарын хэргийг тусгаарлажээ. "С.Зоригийн амь насанд халдахыг захиалсан, зохион байгуулсан" гэх хэргийг шалгах хамтарсан ажлын хэсгийг Тагнуулын Ерөнхий газрын мөрдөн байцаах хэлтэс, Цагдаагийн Ерөнхий газрын Мөрдөн байцаах газрын Онц хүнд гэмт хэрэг мөрдөх хэлтсийн мөрдөн байцаагчдын бүрэлдэхүүнтэйгээр байгуулсан байна.