БГД-ийн 14-р хороо  “... байрны 4-р орцны урд 01-р сарын 03-ны 14:50 цагийн үед өөрийгөө Нарансолонго гэх эмэгтэйд гар утсаа залилууллаа” гэсэн мэдээллийг 01-р сарын 03-нд авч шалгахад: БГД-14 хороонд суух Э /эм.12н/-ын “i Phone 5” гар утсыг БГД-1 хороонд суух М /эм.16н/ гэгч нь залилан авсаныг илрүүлэн БГДЦХ-1 шалгаж байна.                                           

Мөн ЧД-ийн 8-р хороо  “Дунд тасганы ... тоотоос танихгүй хүн эд зүйл залилан авсан байна” гэсэн мэдээллийг 01-р сарын 03-нд авч шалгахад: ЧД-8 хороонд суух С /эм.96н/-ийг гэртээ ганцаараа байх үед 40 орчим насны үл таних залуу хүүхдүүд чинь аваад ир гэсэн гэж “Athеn” компьютерын процессор, 350.000 төгрөгний үнэ бүхий хүнсний зүйл залилан авсан хэргийг ХУД-ийн 6-р хороонд суух Ш /эр.26н/ гэгч үйлдсэнийг цагдаагийн алба хаагчид шуурхай илрүүлэн ЧДЦХ-1 шалгаж байна.

Иймд иргэн та анхаарал сэрэмжтэй байж, залилан мэхлэгчдээс болгоомжлохыг цагдаагийн байгууллагаас анхааруулж байна.

Д.Дуулим