Хэнтий аймгийн Прокурорын газраас тус аймгийн Шүүхийн шийдвэр гүйцэтгэх албаны Хорих 419-р ангийн харуул хамгаалалтын байдлыг 2016 оны 12 дугаар сарын 19-ний өдөр гэнэтийн байдлааршалгаж Хорих 419-р ангийн харуул хамгаалалт, өдөр тутмын шуурхай удирдлагаар хангаж буй байдал, хорих ангийн жижүүрийн бүрэлдэхүүн, хэрмэн хашааны гадна бүс зурваст хяналтыг зохион байгуулж байгаа байдал, харуул хамгаалалттай холбоотой төлөвлөгөө, бүртгэл заавар журам, хамгаалалтын бүс, зурвас, техник хэрэгсэл, телекамерын хяналт зэрэгтэй нэг бүрчлэн танилцсан байна.

Шалгалтаар 1-р дэлгэцний гадна талын 8 телекамераас 2 телекамер огт ажиллахгүй, бусад 6 телекамер нь чанарын шаардлага хангахгүй, шөнийн цагт хяналт тавих гэрэлтүүлэг муу зэрэг зөрчлийг илрүүлж, шалгалтын дүнг хэлэлцээд Шүүхийн шийдвэр гүйцэтгэх албанд прокурорын шаардлага хүргүүлжээ.