Сүхбаатар дүүргийн 11-р хорооны нутаг дэвсгэрт энэ сарын 20-ны өдөр нэг гэрийн хоёр хүнийг хутгалж хүнд гэмтэл учруулсан хэрэг гарчээ.

Тодруулбал, 70 настай М, түүний гэр бүлийн хүн болох 67 настай М-ын хамт гэртээ байхад нь үл таних этгээд хаалгыг нь тогшиж “Сууц өмчлөгчдийн холбооноос явж байна” хэмээн гэрт нь нэвтэрч, айлган сүрдүүлж, хутгалж биед нь  хүнд гэмтэл учруулжээ.

Тус хэргийг үйлдсэн этгээд 17 настай бөгөөд айлаас эд зүйлсийг нь дээрэмдэн, гэрийн эздийг хутгалаад зугтсан байна. Одоогийн байдаар түүнийг баривчлан Эрүүгийн хэрэг үүсгэн шалгаж байгаа аж.

Д.Дуулим