С.Зориг агсны шүүх хурал хоёр дахь өдрөө үргэлжилж байна. Өнөөдрийн хуралдаан өглөө 10.20 цагаас эхэлж, шүүгдэгч нар мэдүүлэг өгч дөнгөж сая дууссан гэж эх сурвалж мэдээллээ.

Харин одоо улсын яллагч, хохирогчийн өмгөөлөгч нар шүүгдэгч Ц.Амгаланбаатар, Б.Содномдаржаа, Т.Чимэгээ нараас асуулт асууж байна.

Тэднийг хүний амь насыг санаатайгаар хохироосон хэрэгт буруутган Эрүүгийн хуулийн тусгай ангийн 91 дүгээр зүйл ангиар шүүж буй. Хуралдаанд хоёр гэрч оролцож байгаа юм.

Хурал хаалттай үргэлжилж байна.