Хүчингийн хэргээр олон нийтийн од болоод буй П.Энхмөнх он дамнасан дуулиан шуугианы №1 эзнээр тодрох нь тодорхой болоод буй. Аль хоёр жилийн өмнө зүгээр ч нэг бүсгүйг биш сошиал ертөнцөд хүчирхэг, том орон зайтай Г.Дэлгэрмаа хэмээх бүсгүйг хүчиндсэн хэрэгт холбогдож, шүүхийн хаалга татсан дуулиант хэрэг өнөө хүртэл үргэлжилсээр. Угтаа бол мань хүн нэртэй хүний зүстэй хүү. Монголын орчин цагийн морин спорт өнгө төрхөө олоход түүхэн гавьяа байгуулсан О.Пунцагбалжир агсны голомт залгах ганц хүү, эцгийнхээ үүсгэн байгуулсан “Мон-Эрдэнэ” компаниар овоглодог, нэгэнтээ Монголын баячууд Ц.Мянганбаяраар эхэлж надаар дуусна хэмээж “томорч” байсан үндсэндээ том намтартай эр л дээ.
Тэгэх тусмаа энэ хэрэг П.Энхмөнхөд тун ч хүнд тусч буй болов уу. Ийн хүссэн хүсээгүй хэвлэл мэдээллийн хойморт магад насан туршаа “заларч” байх түүхээ тод тамгалсан хархүүгийн ээж Эрдэнэцэцэг хэмээх ихэмсэг, ялгуун хатагтай бий. Хоёр охин нь харьд бэрлэснийг хэлэх үү, угийн ч эрх тааваараа амьдарч ирсэн хатагтай энэ өдрүүдэд ихэнх цагаа хилийн чанадад өнгөрүүлж байгаа дуулдана. Хайртай ганц хүү хууль, шүүхийн хаалга сахиж, “Бүгд найрамдахаа” ч уншуулж магадгүй эгзэгтэй хүнд үеийг туулж байхад эхийн сэтгэл амар тайван байна ч гэж юу байхав, магад арга ядахдаа гадаадад нүдэн балай, чихэн дүлий байхыг эрхэмлэж байж болох. Эхийн сэтгэл үрд гэдэг билээ л.
Эх сурвалж: www.grandnews.mn
Сэтгэгдэл (9)