Энэ сарын 4-ний өдрийн 23:00 цагт Дархан-Уул аймагт 74 настай эмэгтэйг гэрт нь дээрэмдсэн хэрэг гарчээ. Эл хэргийг тус аймгийн Төмөр зам дахь Цагдаагийн газрын алба хаагчид илрүүлсэн байна. Гэмт хэргийн дуудлагын дагуу шалгахад 74 настай, иргэн Х-г ганцаараа байх үед нь 15 настай хоёр охин гэрт нь нэвтэрч, монетон бөгж, “Самсунг” маркийн гар утас зэргийг нь дээрэмдсэн болохыг тогтоожээ. Хэргийг харьяаллын дагуу Дархан-Уул аймгийн Цагдаагийн газарт шилжүүлэн шалгаж эхэлсэн байна. Дээрх хэрэг гарсантай холбогдуулан иргэддээ таньж мэдэхгүй хүнд хаалгаа тайлж өгөхгүй, сонор сэрэмжтэй байхыг цагдаагийн байгууллагаас анхааруулав.