12 настай хүүхэд өвөөгөө хутгалж амь насыг нь хөнөөсөн аймшигт хэрэг өнгөрсөн ням гарагт гарчээ.

Тодруулбал, Нийслэлийн Баянзүрх дүүргийн VIII хорооны нутаг, Эрдэнэтолгойд оршин суух 57 настай А-ийг зээ хүү Ч нь өнгөрсөн ням гаригт хөнөөжээ. “Манай хүү өвөөгөө хутгалчихлаа” гэх дуудлагын дагуу цагдаагийн албан хаагчид хэргийн газарт очиход талийгаач А цээжнийхээ баруун хэсэгт мэсний шархтай авсан байжээ. Түүнийг эмнэлэгт хүргэсэн боловч цус их алдсаны улмаас нас барсан байна. Хэргийг Баянзүрх дүүргийн Цагдаагийн III хэлтэст шалгаж байгаа аж.

Д.Дуулим