Сүүлийн гурван жилийн турш нийгэмд дуулиан тарьж сэртхийлгэсэн П.Энхмөнхийн хүчингийн хэргийн шүүх хурал өнөөдөр болж байна. Баянзүрх, Чингэлтэй, Сүхбаатар дүүргийн Эрүүгийн хэргийн анхан шатны шүүх дээр хурал хаалттай хуралдаж байна.
Өнөөдөр зөвхөн энэ шүүх хурал товлогдсон ба нилээд сунжрах төлөвтэй байна. П.Энхмөнх шүүх хуралд өөрийн биеэр оролцож байгаа ба хоёр өмгөөлөгчтэй байгаа аж. Харин хохирогч Г.Дэлгэрмаа өөрөө АНУ-д хамгаалалтын визтэй байгаа ба түүнийг өмгөөлөгч нь төлөөлж байна.
Олон нийтийн анхаарлыг ихэд татаж буй энэхүү шүүх хурал П.Энхмөнхийн хүсэлтээр хаалттай болж байгаа аж. Чухам ямар шийд гарахыг олон нийт анхааралтай ажиглаж байна.
Мянга мянган охид бүсгүйчүүд хүчирхийлэлд өртдөг ч тэр бүр ил гаргаж чаддаггүй. Харин үнэнхүү эр зориг гарган өөрийгөө эрсдэлд оруулсан Г.Дэлгэрмаа тэдгээр бүсгүйчүүдийн дуу хоолой болж буй юм. Нэг талаас нөлөө бүхий айлын голомт залгах ганц хүү, нөгөө талаас нийгэмдээ карьертай бүсгүй хоёрын тэмцэл энэ хүрээд хоёр тийш болох эсэхийг харах л үлдлээ.
Сэтгэгдэл (22)