П.Энхмөнхтэй холбоотой хүчингийн хэргийн нууц задарлаа!
Энэ бол ойрын 10 жилд гарсан нийгэмд хамгийн их дуулиан тарьсан хүчингийн хэрэг юм. Бидний анхаарал, нүд чихнээс холуур мянга мянган охид бүсгүйчүүд хүчирхийлэлд өртөж сэтгэл өвтгөм түүхтэй амьдралыг туулдаг. Гэхдээ эмэгтэй хүн сайхан харагдсан, гоё сайхныхаа төлөө дарамтанд орох ёсгүй юм.
Сайхан хүүхэн л харвал “Энэ ийм тийм ...” гэж ам хэлээр доромжлох энүүхэнд. Зөвхөн биеийн хүчирхийлэл хүчирхийлэл биш. Сэтгэлзүйн хүчирхийлэл тэрнээс хэдэн мянга дахин илүү дарамт билээ. Тэр ч утгаараа энэ хэрэг нийгэмд ил болсон хэрэгт холбогчид хоёул хүчирхэг, байр суурьтай хүмүүс байсан тул анхаарал татаж байгаа юм. Тэгвэл П.Энхмөнх, Г.Дэлгэрмаа нарын хэрэг яг юу болсон, одоо ямар шатанд байгаа талаар бид та бүхэнд мэдээллийг багцлан хүргэхээр бэлдлээ.
Энэхүү хэрэг нийтдээ гурван жилийн турш сунжран үргэлжилж буй билээ. Харин анхан шатны шүүх хурал нь энэ сарын 25-нд сая нэг товлогдсон байна. Хоёр тал аль аль нь энэ хугацаанд нийгмийн байр суурь, цаг зав, нэр төрөөрөө хохирч төсөөлөөгүй дайралтыг амсаж байгаа тул хэрэг хурдан шийдэгдээсэй гэж хэн хэн нь хүсэж буй биз ээ.
П.Энхмөнх гэж хэн бэ?
Пунцагбалжир агсны голомт залгах ганц хүү бийлэгжүү энэ хархүү анх топ модель Г.Уранцэцэгийн найз залуу гэдгээрээ олонд танигдсан. Алдарт уяач хөрөнгө чинээ, удам судартай айлын залуу хүү сайхан бүсгүйн романс тухайн үедээ л скандал байлаа. Тэд хоёр тийш болсон. Хожим Г.Уранцэцэгийн талаас өөрт нь гар хүрдэг байсан талаар ярьсан нь нийтэд ил болж байв. Улмаар П.Энхмөнх Г.Урангоо хэмээх хамгийн гол нь топ амрагтай нь тун төстэй царайтай бүсгүйтэй амьдралаа холбосон. Тэд хоёр хүүхэдтэй. Хэрэг явдлын үеэр О.Дашбалбар агсны охин Д.Индра, Г.Урангоо нар хохирогчийн эсрэг олон олон дайралтыг хийж байв. Хэвлэлийнхэн тэдний ачаар энэ хэргийн талаар хангалттай мэдээлэлтэй болоод зогсохгүй өөрсдийн эрэл хайгуулаа хийсэн байдаг. Хэрэв дарагдаад өнгөрсөн бол хэн ч мэдэхгүй анзаарахгүй байлаа.
Г.Дэлгэрмаа гэж хэн бэ?
Энэ бүсгүй “Гоёл”-ын тайзнаа гарч байсан нэгэн үеийн өсөх ирээдүйтэй модель гэгдэж байв. Удирдахуйн ухааны магистр, өдгөө АНУ-ын Лос-Анжелес хотноо сурч ажиллаж байгаа. Гэр бүлийн амьдралд эрт хөл тавьсан, хэрэг явдал гарах үед хоёр дахь хүүхдээ төрүүлээд удаагүй байсан юм билээ. Төрийн албанд ажилладаг нэгэн эрхмийн гэргий, хувьдаа бизнестэй товчхондоо карьерист нэгэн. Харин одоо бол АНУ-д суурьшаад байгаа. Хэрэг явдлаас болж гэр бүлээ цуцлуулсан агаад хоёр хүүхэд нь аав дээрээ үлджээ. Түүнийг одоо танихгүй хүн үгүй болсон. Бас идэвхитэй жиргээч жиргээнд олон мянган дагагчтай. Сошиал медиа ашиглан олон нийтэд нээлттэй байдаг түүнээс хэвлэлүүд удаа дараа энэ хэргийн талаар тодруулж байсан.
Яг юу болсон бэ?
2013 оны 10-р сарын 13-ны Даваа гаригийн 18:00 цагийн үед СБД 3-р хорооны нутаг дэвсгэрт Г.Дэлгэрмаа өөрийн "Мөнхтэрэм" компанийн харъяа IT дэлгүүрийн байранд “Мон-Эрдэнэ” компанийн захирал П.Энхмөнхтэй ажил хэргийн шугамаар уулзжээ. Энэ үедээ зүй бусаар хүчиндүүлжээ. Тухайн үед нуруунд нь хутга мэт зүйл тулгасан байсан тул бүсгүй айж балмагдан цочирдолд орсон аж. Хэрэг явдал болох үеэр Г.Дэлгэрмаагийн хувийн компани улирлын 80 саяын орлоготой болох нь баримтуудаар тогтоосон байдаг. Тэдний хооронд санхүүгийн эрх ашгийн тохиролцоо байсан гэж үзэх үндэслэлгүй болохыг холбогдох байгууллагууд тогтоожээ.
Улмаар Г.Дэлгэрмаа хэрэг явдлыг шийдүүлэхээр хохирлоо гаргасан үед П.Энхмөнхийн анхны үйлдэл биш болох нь мэдэгджээ.
Тухайлбал: 2014 оны 4-р сарын үед Баярбат гэх нэгэн түүнтэй холбогдож 2005 оны үед П.Энхмөнх ХУД дэх гэртээ түүний дүү охиныг хууран мэхэлж дагуулан очоод хүчиндсэн байсныг мэдээд цагдаад мэдэгдэн Баянбүрд цогцолбор дахь ажлын өрөөнөөс нь баривчлуулж байсан ба тухайн үед ХУД-д ахмад цолтой Ууганбаяр гэх Энхмөнхийн ээж Эрдэнэцэцэгтэй амрагийн харьцаатай хүн байсан хүн та нар юу ч олж долоохгүй, өгснийг нь өгөөд өргөдлөө ав гэж сүрдүүлснээр өргөдлөө авсан талаар ярьжээ. Дүү нь одоо Солонгос улсад амьдардаг, Монголдоо ирэхээс айдаг талаар яриад тухайн үедээ Энхмөнхийн ээжрүү залгасан гээд яриагаа сонсгож байсан байна.
Мөн одоогийн эхнэртэй нь адилхан Урангуа нэртэй 1989 онд төрсөн нэгэн бүсгүй холбогдож 2008 онд Энхмөнхийн хүүг төрүүлсэн. Энхмөнх зүгээр нэг өдөр гэрээсээ гарч яваад маргааш нь телевизийн мэдээгээр өөр хүнтэй хуримаа хийгээд явж байсан хүн бөгөөд одоогийн эхнэр нь болоод ээж нь үнэхээр хүний голгүй амилсан шуламнууд шүү, юу ч хийж чадах хүмүүс гэж анхааруулж байсан талаар Г.Дэлгэрмаа хэвлэлд дэлгэсэн байдаг юм билээ. Мэдээж түүнийг ч нөгөө талаас хангалттай хэвлэлээр дайрч байв.
Энэ мэтчилэн хэрэг явдал ухах тусам ээдрээтэй болж буй.
Мөрдөн байцаалт:
Энэхүү хэргийг гурван жилийн хугацаанд 4 мөрдөн байцаагч, бүх шатны арваад прокурор дамжуулан уншиж судалжээ.
Тухайн үед СБД-ийнн цагдаагийн 1-р хэлтсийн албан хаагчид холбогдох мөрдөн шалгах ажиллагааг явуулж гэмт хэргийн явцад хийгддэг шүүх шинжилгээ, эд мөрийн баримтын шинжилгээ, хохирогчийн мэдүүлгийг газар дээр нь шалгах зэрэг маш олон мөрдлөгийг явуулсаны эцэст нотлогдсон гэж дүгнэн ЭХ 126.1 зүйл ангиар яллагдагч Энхмөнхөд ял төлөвлөн прокурорын байгууллагад шилжүүлсэн. Тухайн үед хэргийг хариуцаж ажилласан СБД-ийн хяналтын прокурор П.Мөнхцэцэг тус хэргийг 4 тодорхой үндэслэлгүйгээр гурван удаагийн нэмэлт мөрдөн байцаалтанд буцааж байсан. П.Мөнхцэцэг прокурор тус хэргийг гэмт хэргийн бүрэлдэхүүнгүй гэх шалтагаар хэрэгсэхгүй болгон юм билээ. Бүсгүй хүн бүсгүй хүнийхээ хэрэг дээр яаж ажилласан нь одоо түүх болон үлджээ.
Г.Дэлгэрмаа хуулийн дагуу дээд шатны прокурорт өргөдөл гаргасан бөгөөд Улсын прокурорын газраас 2014 оны 12-р сарын 1-ний өдөр тус хэргийг дахин сэргээж шүүхээр шийдвэрлүүлэх шаардлагатай гэж дүгнэсэн. Үүний яг өмнөх өдөр нь П.Энхмөнх Монгол улсын хилээр гарч оргон зайлсан байдаг. Цагдаагийн байгууллагын зүгээс эрэн сурвалжилж П.Энхмөнхийг АНУ-д байсныг тогтоосон бөгөөд эх орондоо ирж хэргээ шийдүүл, эсвэл Олон улсын байгууллага интерполд мэдүүлж албадан ирүүлнэ гэсэн шаардлагын дагуу түүнийг 2016 оны 1-р сард Монгол улсын хил нэвтрэхэд нь саатуулан хэргийг сэргээн мөрдөн шалгах ажиллагааг дахин эхэлсэн. Хэрэг мөн л хэрэгсэхгүй болов.
Улмаар 2016 оны 06-р сарын 02-ны өдөр Улсын ерөнхий прокурорын зүгээс тус хэргийг хэрэгсэхгүй болгосон нь хуульд нийцэхгүй гэж үзэн дахин сэргээн нэмэлт мөрдөн байцаалтанд шилжүүлсэн байна.
Ийнхүү урт хугацааны дараа хэргийн шүүх хурал албан ёсоор товлогдлоо. Ээдрээт утасны үзүүр чухам хаа хүрч тайлагдахыг олон нийт анхааралтай ажиглаж байна. Бүтэн гурван жил энэ хэргийг тойрсон олон асуудлыг бичихэд цаг, цаас хүрэлцэхгүй байхад хэргийн хохирогч хохироогч ямаршуу байдалтай энэ он цагийг туулсаныг үгээр хэлэх аргагүй юм.
Хүний амьдрал, алдаа оноо, эдлэх үйлийн үр гэгчийг хэн цэгнэх билээ. Хамгийн гол нь биеэ захирах, өөрийн эрх ашиг бусдын эрх ашгаар хэмжигдэнэ гэдгийг ухамсарлах, хүн хүнээ хайрлах чадвар энэ цаг үед хамгийн их дутагдаж байна.
Тэд хэн хэн нь ялгаагүй ардаа гэр бүлтэй үр хүүхэдтэй хүмүүс. Бүсгүйн хувьд энэ хугацаанд гэр бүлээсээ салж АНУ-д хамгаалалтын визтэй амьдарч байна. Залуу гэр бүлтэй байгаа ч яг 100 хувь жаргалтай байгаа эсэх эргэлзээтэй билээ. Эцсийн эцэст шүүх үнэн мөнөнийг олох учиртай. Тэгж байж энэ хоёр хүн тайван, хэвийн энгийн амьдралдаа эргэж орох юм.
Д.Дуулим
эх сурвалж:www.grandnews.mn
Сэтгэгдэл (71)