Яг үнэндээ нэг муу лайк тэр муу товч ер нь юу юм бэ. Гэвчиг фэйсбүүк, инстаграмм сошиал медиагийн ачаар маш олон одууд төржээ. Тэдний хэлсэн үг, хийж буй үйлдэл идэж ууж байгаа, хаашаа харж унтаж буй нь хүртэл сонирхолтой. Тэгвэл бид огт фэйсбүүкгүй мөртлөө од байсаар байгаа үнэмлэхүй сонгодог одуудыг танилцуулж байна.
СГЗ, яруу найрагч Ц.Хулан: Үе үе түүний нэрээр твиттер хаяг гарч ирнэ. Компьютер гацтал дагах хүсэлт ирдэг гэж байгаа. Угтаа тэр ямар ч хаяггүй. Фэйсбүүк байхгүй. Гэхдээ түүний явж байгаа нь хүртэл ертөнцийн их өнгөний сүлэлдээн. Ямар өнгөлөг дэгжин хувцасладаг гээч. “Цэцгэн толгойтой овтерк” нэр автлаа төрөл бүрийн малгай сэлгэдэг хүн шүү дээ, бурхан минь. Тийм дэгжин атлаа цахимд нэгдэх бүү хэл компьютер ч ашигладаггүй гэж байгаа. Одоо хэр нь гар бичмэлээ хийж онгод юугаан хөглөж суудаг. Хэзээ ч энэ орон зайд орж ирэхгүй юм гэсэн. Өчүүхэн төдий хялгасан чинээ амбицан дээр тогтож байгаа фэйсбүүк од бүсгүйчүүдэд сайн дураараа зайгаа тавьж өгсөн үйлдэл гэх үү дээ.
Э.Одгэрэл VS С.Жавхлан: Тэд хоёул мөн л фэйсбүүкгүй. Нэг нь нэртэй топ модель ялгуун сайхан “амьтан”. Нөгөө нь нэртэй дуучин бас л ялгуун эр. Жавхлан нэг үг хэллээ гол усаар нэг тарна, Э.Одгэрэл цаг агаар уншлаа мөн л гол усаар нэг тарна. Нийгэмд яг одоогоор байгаа хамгийн хүчирхэг эрэгтэй эмэгтэй дүрүүд. Э.Одгэрэл хэрэв фэйсбүүк хөтөлбөл фэйсбүүк компани хандалтыг нь алмайрна. Түүний талаар нэг мэдээ гарахад л нийгэм донсолж сэтгэгдэл бичих гэж жагсаж байхад даа. С.Жавхлан фэйсүүк хуудастай мэт авч гэргий нь түүний хэлсэн үг, хийсэн үйлдэлийг нь олон түмэнд цаг алдалгүй түгээж байдаг. Харин Э.Одгэрэлд одоогоор тэгж онлайн дэмжлэг үзүүлэх нөхөр юм уу boyfriend алга. Ер нь байна шүү дээ, бүсгүй хүн нээлттэй юм шиг атлаа хаалттай юм шиг хаалттай юм шиг атлаа нээлттэй юм шиг яг л оньсого мэт байвал сонирхолтой байдаг гэдэг. Топ бүсгүй энэ тал дээрээ нэг их хүч зарахгүй мөртлөө төвшнөө хадгалж байгаа даа.
Т.Баясгалан: Эрт цагийн нийтийн дууны ертөнцийн цорын ганц гүнж маань эгэлгүй тансаг амьдарч байгаа. Нөхрийнхөө 40 гаруй компанийн тамгыг өвөртөлж явдаг ажил хэрэгч эхнэр болоод уджээ. Дээл урлаж хоол хош бэлдэн суудаг халамжтай эзэгтэй одоо хэр нь фэйсбүүк ямарваа нэг цахим үйлдэл хийсэнгүй. Тийм баян авхайд компьютер олдохгүй байна гэж байхгүй. Зүгээр л өөрөө алдар нэрэнд дэндүү цатгалан амьдарсан болохоор энэ анир чимээгүй байдалдаа сэтгэл хангалуун байгаа хэрэг. Харин саяхан Жавхаатайгаа хамтарсан тоглолтын үеэр цухас хаяг гарч ирсэн. Сураг сонсохнээ нөхөр нь гэргийнхээ өмнөөс тэрхүү фэн хуудсыг хөтөлдөг гэнэ. Магадгүй хардалт? Эсвэл халамж юм болов уу. Эхнэрээ компьютер дээр суулгаж стресстүүлэхгүй органик байдлаар амьдруулах гэсэн санаа байж ч болох л юм. Ямартай ч нэгэн цаг үед нийтийн дууны урлагийн ид мандан бадарч байх үед хамтран дуулж, хэсэг хугацаанд хамтын амьдралаа эхлүүлээд авсан С.Жавхлан, Т.Баясгалан нар цахим ертөнцөд мөргүй харин тэдний өмнөөс гэрий, нөхөрүүд нь хөтөлж тэд хаана, юу хийж явааг цаг минут алдахгүй ард түмэнд нь дуулгаж байдаг уламжлалтай гэмээр.
Эх сурвалж: www.grandnews.mn
Сэтгэгдэл (15)