Хараад л шууд таньж байгаа биз? Тэгнээ тэр. Аргагүй л ерээд оны үед хүүхнүүдийн шүтээн болж явсан эр мөн дөө. Гэснээс амьдралд ийм нэг гаргалгаа байдаг. Нэгэн цагт сайн, харж явсан хархүү хийгээд бүсгүйг гундчихсан байхыг харах их л эвгүй байдаг юм гэнэ лээ. Рок поп урлаг анхлан яригдаж байсан үед “Харш” хамтлагийн дуучин С.Баасандорж тэр давлагаан дунд өөрийнхөөрөө ялгуун, ялдам давхиж явав. Уран бүтээлийнхээ гарааг Хилийн цэргийн дуу бүжгийн тайзнаас эхэлсэн тэрбээр хожим энэ тайзан дээрээ энгэрээ цоолсон. Түүнийг СТА гардах үеэр “Одоо дахиад таван жил дуулчихад Бааска чи гавьяат шүү, тэсээрэй” гэж хүмүүс дал мөрийг нь алгадсан гэдэг.
Хариуд нь “Таван жил битгий хэл бүх насаараа дуулах хүч байна” гэж бардам дуугарсан тэрбээр одоо хэр нь урилга заллагатай явдаг гэж байгаа. Нас хэлэлцбэл дөчин насыг аль хэдийнэ давсан ч түүн шиг цэмбэгэр “өтөлдөг” нь хэд билээ дээ. Цаадахад чинь насаараа цэмбийх, дуулах эрч хүч, эр чадал байгаа нь илт ханхлах. Тэр өмссөн өмд гутал, авсан поозыг нь харахгүй юу. Гэснээс мань эр “Би чамд хайртай”-гийн Үрлээгийн төрсөн ах шүү дээ. Өтөлдөггүй ДНК-тэй улс байх нь.
Сэтгэгдэл (22)