Энэ сарын 12-нд Хөвсгөл аймгийн Тосонцэнгэл сумын төвд байрлах Гандандамчойлин хийдээс бурхан алдагдсан хэрэг гарсан. Уг хэргийг Хөвсгөл аймаг дахь Цагдаагийн газар, Орхон аймаг дахь Цагдаагийн газар, МБГ-ын Онц хүнд гэмт хэрэг мөрдөх хэлтсийн алба хаагчид илрүүлжээ. Цагдаагийнхан "Хар морьт сахиус" болон бусад шашны эд зүйлсийг хулгайлсан этгээдүүдийг шуурхай эрэн сурвалжлан олж тогтоон, алдагдсан эд зүйлсийг Гандандамчойлин хийдэд хүлээлгэн өгсөн байна.