“Капитал” банк чадамжгүй болж дампуурах гэж байгаа талаарх яриа гадуур нилээн хурцадмал түвшинд яригдах боллоо. Гэхдээ энэ яриа ард түмний дунд гэхээсээ илүү төрийн ордны хаа нэгтэйгээс жиг жуг хийж байх юм.

Монгол орон  даяар 503 салбар, нэгжтэй тэтгэвэр, тэтгэмж,  орон сууцны ашиглалтын төлбөр, тооцоо зэрэг олон  нийтэд үзүүлдэг  төрийн санхүүгийн  үйлчилгээний 50  гаруй  хувийг дангаараа  гүйцэтгэдэг байсан “Хадгаламж” банк нэг л өдөр түүх болсон.  Тухайн үед уг банкны дампуурлыг улстөрчидтэй холбох хүн цөөнгүй байсан.  Тэгвэл “Капитал” банк хаалгаа барих шалтгааныг мөн л улстөртэй холбон яригсад ганц нэгээр зогсохгүй нь.  Гэхдээ энэ мэдээллийг яг бодит гээд хэлчих “чин зоригтон” одоогоор хараахан алга. Тиймээс бид мэдээллийн мөрөөр эргэн сурвалжилж, тал талын байр суурьтай мэдээллийг дахин хүргэх болно.

 Юутай ч  манай улсын арилжааны банк  нэгээр  цөөрөх үү эсхүл худал цуу яриа юу гэдгийг цаг хугацаа л харуулах болоод байна.

Д.Дуулим