“Авьяаслаг Монголчууд” шоунд нэгэн өвөрмөц төрхтэй охин гайхалтай авьяасаа үзүүлсэнээр олны анхаарлыг татаад байна. Б.Ихэрсувд хэмээх өвөрмөц чамин нэртэй 18 настай энэ охин чухам хэн болохыг бид анхлан танилцуулж байна. Асашёорюү Д.Дагвадоржийн үзэсгэлэнт гэргий Г.Тамирын эгч Г.Хосбаяр хэмээх бүсгүй дүүгээсээ дутахгүй гоо үзэсгэлэнтэй.
Гурван хүүхэд, тэгш дүүрэн гэр бүлийн эзэгтэй тэрбээр тэгтлээ олны нүд чихэнд өртөөд байдаггүй хүн. Шоуны баатар, өвөрмөц өөрийнхөөрөө Б.Ихэрсувд энэ айлын ууган охин. Эмээтэйгээ багадаа ингээд гоёчихсон алхаж явж шүү. Харин одоо бол гитар үүрэн дуулж хуурдаад эршүүд имиж барих болж.
Түүний нэрний түүх гэвэл Г.Тамирын аав ээжийн анхны том бизнес машины дугаар үйлдвэрлэдэг “Ихэр Авто” компани байж. Амьдралаа төвхнүүлэх анхны сууриа тавьсан өгөөжтэй компани болохоор ууган зээ охиндоо Ихэрсувд нэр хайрлажээ. Ээжийн талын нүд хөмсөг, гоо үзэмжийг өвч авч төрсөн охин орчин цагт цахиур хагаллаа шүү.
Ээж Г.Хосбаяр, дуулиант бүсгүй Г.Тамир нарын тухай одоо ч шагшсаар байдаг бол энэ цагаас эхлэн Б.Ихэрсувд олны анхаарлын төвд орж ирлээ. Эмэгтэйлэг хэв маягаас ангид бас энэ гэр бүлээс төрж буй анхны урлагийн хүн сонихон байна. “18 жил тэжээлгэчихээд ээж ааваасаа дахиад мөнгө авах утгагүй ...” гэж хэлсэн ишлэл нь шууд трэнд боллоо шүү дээ.
Хөрөнгө зоорь хэлэлцбэл бас ч дунджаас дээгүүр, гэр бүлийн удам судар сайтай айлын охин насандаа баймгүй хэрсүү нь олонлогоос ялгарч байна шүү.
Д.Сэргэлэн
Grandnews.mn
Сэтгэгдэл (36)