Сүүлийн үед орон нутгийн замд хурд хэтрүүлж яваад осолдож амиа алдах, бэртэж гэмтэх хэрэг буурахгүй байна. Түүнээс гадна улсын дугааргүй мотоцикль жолоодож яваад онхолдож нас барах харамсалтай хэрэг цагдаагийн байгууллагад бүртгэгдсээр байна.

Тухайлбал, Өвөрхангай аймгийн Зүүнбаян-Улаан сумын харьяат Х эр.25н/ нь хоёр хоногийн өмнө сумынхаа баруун талд марк, улсын дугаар тодорхойгүй мотоцикль жолоодож яваад онхолдож гэмтэн, тус сумын эмнэлэгт эмчлэгдэж байгаад нас барсан байна. Мөн Хэнтий аймгийн Хэрлэн сум 6-р багт Чингис хаалганы зам дээр Дорнод аймаг Хэрлэн сумын 10-р багт оршин суух А /эр.32н/ нь “Istana” автомашин жолоодож явахдаа Хэнтий аймаг Мөрөн сумын харьяат 41 настай эрэгтэй Ч-ийг дайрч, амь насыг нь хохироосон” хэргийг шалгаж байна.

Д.Ундрах