Жүжигчин Г.Ундармаа аль хэдийнэ гүнж болсон. Яагаад гээч? Амьдрал дээр жинхэнэ цагаан морьтой ханхүүгээ олсон учраас тэр. Эмэгтэй хүн бүрт ийм аз тохиохгүй. Одоогийн байдлаар дэлхий дээр байгаа цагаан морь хийгээд ханхүүгийн тоо бүсгүйчүүдээсээ гурав дахин бага байна шүү дээ, та минь ээ. Г.Ундармаа жүжиглэнэ, кино ч найруулна. Энэ бүхнээс илүү жүжигчин бүсгүйг түшиж тулж өөдлөхөд нь дэмждэг хүн бол нөхөр нь. Хувиараа бизнес эрхэлдэг, волейболын спортын мастер гэсэндээ бас ч үгүй чийрэг бие бялдартай “торхон гүзээ” суугаагүй энэ эрийг Н.Батжаргал гэх. Нээлтээ хийж их хотынхныг хуйлруулсаар буй “Single ladies 2” киноны гол гол ишлэлүүдийг нөхөр нь хэлж өгсөн гэдэг. “Амьдралд хэн хүсч байгаа нь төлдөг”, “Чи хүн биш, сахиусан тэнгэр ш дээ”, “Амжилт хэдий гайхалтай ч хүйтэн шөнөөр хэнийг ч дулаацуулдаггүй юм” гэдэг үгс энэ эрийн цээжнээс, мэдрэмжээс гарчээ. Ер нь жинхэнэ гүнж, жинхэнэ ханхүүгээ олбол юм юм ундраад л байх нь байна шүү.
Эх сурвалж: www.grandnews.mn
Сэтгэгдэл (3)