Мэдээж хэрэг яруу найрагч хүн жирийн нэг Долгор, Дулмаад дурласан сэтгэлээ нээхгүй байх. Ямар нэг “уянга”-тай өвөрмөц бүсгүй сэтгэлийнх нь утсыг чивчиртэл татах нь гарцаагүй. “Болор цом”-ын эзэн Ж.Мөнхбат босоо хийморьтой гэгч нь УИХ-д сонгогдсон. Анхны амьдралаасаа явсан байснаа эргэн очиж хосууд шинэ хүнээ өлгийдөн авсан гэхчлэн давхар давхар баяр нэгэн онд тохиолоо. Ж.Мөнхбат ааль ялдам бүсгүй хөтлөн ард түмний өмнө алхаж явсан нь эртний явдал. Харин энэ бол түүний жинхэнэ гэргий, хүүхдүүдийн ээж. Их л даруухан муугаар хэлбэл унжгар гэмээр үлээхэд хийсэх шахам турьхан бүсгүй харагдана лээ, базарваань. Эмэгтэй хүн ер нь хад мод шиг байснаас иймэрхүү өвс, навч шиг байвал зүгээр юм уу гэж “хүчирхэг” тодотголд хүүхнүүд жиг жуг хийж байв.
Сониноос ийм бүсгүйд баймгүй эр зориг гаргасныг та харж байна. Хөлөн дээрээ шивээстэй гэргийтэй төрийн түшээ лав Ж.Мөнхбатаас өөр байхгүй гээд барьчихвал яадаг бол? Хөөрхийс нөхрүүдээ даган хөлөө холгуулан, цусаа гоожуулан гоожуулан наадам наргианы газар ирдэг л юм. Төрийн түшээгийн гэргий байж элдэв найр наадам цэнгүүн хэсэхэд энэ байтугай бэрхшээл туулна. Аа гэхдээ ийм бардам шивээстэй хөл энэ насандаа харсангүй ээ. Ямар наалддаг шивээс үү, барьж үзье гэлтэй биш.
Эх сурвалж: www.grandnews.mn
Сэтгэгдэл (9)