Дорнод аймагт хэдхэн хоногийн өмнө долоон настай хүүгийн амийг захиалгаар хөнөөлгөсөн гэх ноцтой мэдээлэл цацагдсан билээ. Цагдаагийн байгууллагаас хүүг утасны цэнэглэгчээр хоолойгоо боож егүүтгэсэн гэсэн дүгнэлт гаргасан бөгөөд мөрдөн байцаалтын явцад хүүг өс хонзонгийн сэдэл, санаатайгаар амь насыг нь хохироосон нь тогтоогдсон байна. Хүүгийн эцэг С гэгч эмэгтэйтэй гэр бүлээс гадуурх харилцаа үүсгэсэн бөгөөд хүүгээсээ болж түүнтэй хамтран амьдрах хүсэлгүй байгаагаа илэрхийлснээс болж ийм хэрэг үүссэн талаар таамаг байгаа юм.
Зарим хэвлэлээр мэдээллэж буйгаар С гэгч эмэгтэй бусдад 200 мянган төгрөг өгч хүүгийн амь насыг хөнөөлгөсөн нь байна. Мөн хэргийг үйлдсэн гэх сэжигтэн Б уг хэргийг захиалгаар үйлдсэн гэдгээ хүлээн зөвшөөрсөн аж. Энэ талаар яг одоо 14:00 цагт Цагдаагийн Ерөнхий газраас мэдээлэл хийх ба маргааш Дорнод аймгийнхан хүүгийн дурсгалыг хүндэтгэж зул өргөх ёслол хийхээр болжээ.
Сэтгэгдэл (3)