“Universe Best Songs” наадмын шилдэг оролцогчоос тус телевизийн хөтлөгч болтлоо тууштай явсан хүн бол Э.Урангоо. “Мартагдашгүй намар” киноны гол дүрд тоглож байсан бүсгүй телевиздээ Дэлхийн миссийн тэмцээн хөтөлдөг байлаа. Нэг үе брэнд нэвтрүүлгийн хөтлөгч Э.Гантулга, Э.Урангоо нар дотносон бүр гэрлэх тухай яригдаж байв. Тэд багагүй хугацаанд үерхсэн ч эцэст нь хоёр тийш болж Э.Гантулга өнгөрсөн жил хуримласан. Харин Э.Урангоо “Face of beauty international” олон улсын миссийн тэмцээнд Монгол улсаа төлөөлөн өрсөлдөхөөр болсон мэдээ түгэж эхэллээ. Угийн мисс шиг төрхтэй бүсгүй дорнын гоо үзэсгэлэнгийн жинхэнэ билэг тэмдэг гэмээр сайхан харагдаж байгаа биз. Нэр нэгтийн чих нэг гэгчээр бүсгүйг ил гарч ирэхээс өмнө Твиттерийн хатан хаан гэгддэг А.Урангоог тэмцээнд орох нь гэж шуугиад амжлаа. Одоо хэр нь ганц бие яваа сайхан бүсгүй ирж буй миссийн тэмцээний сургаар богино хугацаанд анхаарлын төвд орж ирлээ.
Сэтгэгдэл (13)