Нийслэлийн Баянгол дүүргийн 14-р хороонд 35 настай бүсгүй гэр бүлийн хүчирхийллийн улмаас зодуулан амь насаа алдсан харамсалтай хэрэг гарчээ.

Тодруулбал энэ сарын 11-ны өдөр таван сартай жирэмсэн Б нь нөхөртөө зодуулан эмнэлэгт хүргэгджээ. Бүсгүй эмнэлэгт хүргэгдсэн ч удалгүй нас барсан байна. Талийгаач Б нь 35 настай гурван хүү, нэг охинтой. Нас барахдаа таван сартай жирэмсэн, тав дахь хүүхдээ тээж байсан аж. Одоогоор энэ хэргийг Баянгол дүүргийн цагдаагийн хэлтэс шалгаж байгаа. Шүүх эмнэлгийн дүгнэлт эцэслэн гараагүй байгаа юм байна.

Эх сурвалжийн хэлж буйгаар жирэмсэн эмэгтэй эмнэлэгт хүргэгдэхдээ маш их бэртэл гэмтэлтэй байсан гэнэ.

Цагдаагийн байгууллагаас энэ хэргийг нуун дарагдуулсан уу?

Тэгвэл өөр нэгэн эх сурвалжийн хэлж буйгаар  талийгаач эмэгтэйг нөхөр нь байнга зодож, дарамталдаг байсан ч нөхрийнх нь ах дүү цагдаа учир, эрүүлжүүлэхэд хийсэн ч гаргаад явуулдаг байсан байна.

Энэхүү хэрэг сонгуулийн өмнө болсон тул олон нийтийг цочроох, санаа бодлыг нь эргүүлэхээс эмээн БГД-ийн цагдаагийн хэлтэс болон, ЗДТГ нуугаад өнгөрсөн талаар гэв.

Д.Дуулим