Хэрэг хуучирдаггүй гэж 16 жилийн өмнө С.Зориг агсны хэрэгт холбогдож байсан Нийслэлийн Ардчилсан намын дарга Э.Бат-Үүлийг шалгаж эхэлсэн. Гэвч Э.Бат-үүл санаатай болон санаандгүй хийсэн үйлдлээрээ 5 жилийн ял авахаар мэдээлэл цацлаа. Учир 1985 онд батлагдсан Төрийн байгууллагын хувь хүний хууль болон төр нийгмийн зүтгэлтэн төрийн хуулийг чандлан сахих зүйл ангийг ноцтойгоор зөрчлөө.Үүнд:“..тухайн үед ээжийн минь өмсдөг байсан цагаан цэнхэр малгай...хэргийг нууцын зэрэглэлд оруулсан тул мэдээлэл гадагш задруулж болохгүй гэсэн...нэг муу байцаагч хэргийг нууцын зэрэглэлд оруулдаггүй л байхгүй юу..прокурор надад холбогдох хэсгийг 2 удаа тогтоолоор хэрэгсэхгүй болгосон..би энэ хэргийг шалгахгүй байхад нь өөрөө зүтгэл гаргаж мөрдөн шалгаж байсан.. Элбэгдоржийг хэргийг шалга гэж шахдаг байсан...” гэх мэтчилэн хэргийн доторхи эд мөрийн баримтуудыг нийтэд дэлгэсэн нь хуулийг санаатай, санаандгүй зөрчих үндэслэл бий болгов. “...мөн хоёр удаа прокурорт дуудагдсан миний хэргийг хүчингүйд тооцогдсон...” гэх,гэвч шүүх л хүний гэм буруутай эсэхийг тогтоохоос биш прокурор тогтоогддоггүй гэдгийг өдий олон жил төрийн өндөр албыг хашиж, хүүтэйгээ нийлж төрийн мөнгийг идсэн гэх хардлагад өртөж явахдаа мэдэхгүй байна гэж баймааргүй л юм. Мөрдөн байцаагч нь “..төрийн нууцад хамаарах хэрэг шүү..олон нийтэд мэдээлэл тарааж болохгүй шүү..” гэсээр байтал яагаад иргэдэд цацахаар болов. Нийслэлийн дарга байсан хүн хуулиа мэдэхгүй байна гэдэг нэг томоохон эмгэнэл гэхэд хилсдэхгүй.

Энэ талаар хуульч өмгөөлөгч Г.Батбаяраас тодрууллаа.

-Э.Бат-Үүлийг 16 жилийн өмнө хөнөөгдсөн С.Зориг агсны хэрэгт холбогдуулан шалгаж эхэлсэн талаар тэрээр олон нийтэд яаран мэдэгдэл хийлээ. Түүний олон нийтэд хандаж мэдээлэл хийх болсон шалтгааныг хүмүүс олон талаас харж байна.

-Э.Бат-Үүлийг хэрэгт холбогдолтой эсэхэд үнэлэлт дүгнэлт өгөх боломжгүй, эрх ч байхгүй. Харин 2016.09.12-ний өдөр хэвлэлд өгсөн үйлдэл нь түүнийг гэмт хэрэг үйлдсэн байж болзошгүйг харуулж байгаа.

-Энэ нь юу гэсэн үг вэ? Хуулийн дагуу тайлбарлаач?

-Эрүүгийн Байцаан Шийтгэх Хуулийн 189.1 дэхь хэсэгт “Хэрэг бүртгэлт, мөрдөн байцаалтын материалыг гагцхүү прокурорын зөвшөөрснөөр, түүний бололцоотой гэж үзсэн хэмжээгээр нийтэд мэдэгдэж болно.”, 189.2. “..хэрэг бүртгэгч, мөрдөн байцаагч, прокурор хэрэг бүртгэлт, мөрдөн байцаалтын материалыг задруулж болохгүй тухай... мөрдөн байцаалт явуулахад байлцсан бусад хүмүүст урьдчилан мэдэгдэж, хэрэв үүнийг зөрчсөн тохиолдолд Эрүүгийн хуулийн 257 дугаар зүйлд зааснаар хариуцлага хүлээлгэхийг сануулж тэднээс гарын үсэг авна.” гэснийг зөрчсөн байна. Э.Бат-Үүлд мөрдөн байцаагч “..нууцын хэрэг шүү.. нийтэд задруулахыг хориглоно..” гэсэн утгатай зүйл хэлж сануулсаар байхад олон нийтэд мэдээлэл хүргэснээрээ ЭХ-ийн 257.1 дэх хэсгийн “Хэрэг бүртгэгч, мөрдөн байцаагч, прокурор, шүүгчийн зөвшөөрөлгүйгээр эрүүгийн хэргийн мэдээ баримтыг задруулсан бол...нэгээс гурван сар хүртэл хугацаагаар баривчлах ял шийтгэнэ.” гэсэн гэмт хэргийн хэв шинжийг хангаж гэмт хэрэгт шалгагдах, эсхүл дахин гэмт хэрэг үйлдсэн байх нөхцөлөө өөрөө бүрдүүлж өгсөн байна.

-Тэгэхээр Э.Бат-Үүл нь мэдэгдэл хийснээрээ эрүүгийн хариуцлага хүлээхээр болжээ?

- Мөрдөн байцаагчийн сануулснаар Э.Бат-Үүл нь хэргийн материал задруулахгүй байх үүрэг хүлээсэн этгээд болсон байна. Гэтэл тэрээр өчигдрийн хэвлэлд өгсөн гэмт хэргийн талаархи дэлгэрэнгүй ярилцлагаараа С.Зориг агсны хэрэгт холбогдоогүй байсан ч ЭХ-ийн 257.1 дэхь хэсэгт зааснаар ял халдаан хэрэглэх шаардлагатай субъект болсон байна гэж хууль хэрэгжүүлэгч нар ойлгоно.

Эх сурвалж:Tug.mn