“Гачуурт”-ын сүүдрийн ханхүү

Ажин түжин байж байгаад нэг л өдөр тодорч гарч ирсэн Л.Чинбат овсгоотой охиныхоо хүчээр олонд илүүтэй танигдах болсон. Ч.Номин телевизээ тун амжилттай удирдахын зэрэгцээ дээдсийн хүрээний охид, бүсгүйчүүдийн дунд жишиг тогтоож буй нэгэн билээ.

Хэтэрхий тод амьдардаг Ч.Номингоос үүдээд энэ айлыг ганц хүүхэдтэй, хүргэнээ хүү шигээ хайрладаг тул хөрөнгөө өгч ч магадгүй гэж олон нийт ойлгох болсон. Тэгвэл газар тариалан, уул уурхайн салбарт дээгүүрт давхиж 60 гаруй алтны ордны лицензийг өөрийн болгосон, “Тэрэлж”-ийг хэдэн тэрбумаар үнэ цохиж авснаас гадна эхнэрийнхээ нэр дээр 20 гаруй уурхайн ашиглалтын лицензтэй Л.Чинбат гол хөзрөө одоо болтол ил гаргаагүй байна.

Түүний хүү даруу нь дэндсэн энэ залууг Ч.Батхүү гэдэг. Ёстой л эрэгтэй хүүхдийн сонирхол гэлтэй хотын төв дэх “Brick house” тоглоомын дэлгүүрээ бөөцийлөн бараг өөрөө тоглох нь халаг суудаг гэх түүнийг олж харсан хүн ч ховор байх. Мэдээж Б.Чинбат голомт залгаж, өв залгамжлах хүүдээ “Брик хауз”-аар зогсохгүй хөрөнгө, бизнесээ даатгадаг нь ойлгомжтой байлгүй. Харин чухам яагаад нуувчинд байлгадаг нь хачирхалтай. Михайлд нэг бодол бий гэгчээр бодож төлөвлөсөн юм бий биз ээ.  Одоогоос хоёр жилийн өмнө 10 жилийн ангийн охинтойгоо сүй тавьсан Ч.Батхүү аавыгаа хэдийнэ өвөө болгожээ.

MCS-ийн гольфчин хүү

Монголын тэргүүн баян MCS-ийн Ж.Оджаргал ноёнтны хөрөнгийн хэмжээ хэдийнэ 400 сая ам.доллараас хальсан бөгөөд Монголын анхны долларын тэрбумтан гэгддэг. Ж.Оджаргал мэдээлэл-харилцаа холбооны технологи, хүнс, ноос ноолууран бүтээгдэхүүний үйлдвэрлэл, үл хөдлөх хөрөнгө, уул уурхай зэрэг үндсэн 5 салбарт 54 охин компаниас бүрдэх М-Си-Эс группын ерөнхий захирал, ТУЗ-ийн дарга, 7000 орчим ажилтантай группийнхээ 260-аад бизнесийн ахлахуудыг удирдаж бодлого шийдвэр гаргах түвшний статустай ажилладаг.

Тэрбумтных 3 хүүхэдтэй бөгөөд хүүхдүүд нь бүгд ээжийнхээ удирддаг “Орчлон”-д боловсрол эзэмшсэн. Том охин О.Анун нь Америкт боловсрол эзэмшсэн. Дунд хүү О.Ананд нь мөн “Орчлон”-г дүүргэж баруунд боловсрол эзэмшин өдгөө компанидаа ажлын туршлага хуримтлуулж буй. Гэр бүлээрээ гольфын талбайд гардаг эднийхэн шаггүй сайн цохигчид. Хүү О.Ананд нь ээжтэйгээ зав л гарвал гольфын талбай дээр өнждөг гэсэн шүү. Чухам хэн гэгч азтай айлын охин энэ айлын бэр болж, голомт залгах хүүгийнх нь цайг чанах бол гэж битүүхэн харж анаж суугаа хүмүүс олон байна.

Амьдрал зохиох нас руу дөхөж яваа О.Ананд ганц бие бөгөөд авч суух сонирхол, амбицтай охид минь гольфийн талбай дээр очвол О.Анандыг олж харж, барьж авна гэнэ шүү. Барагтай бол баян айлын бандгар бацаанууд шиг баар сав хэсэж хэрэг төвөг тарихгүй нууцлаг амьдардаг ханхүү хэзээ одтой цамхгаасаа бууж ирэхийг монгол охидын авхаалж, сүйхээ л мэдэж дээ. Цамхаг өндөр байхын хэрээр гүнжийн давах босго өндөр байж таарна. 

Эх сурвалж: www.grandnews.mn