Монголд хамгийн олон “МАА”-г дуундаа мөнхөлсөн Улаанбаатар чуулгын гоцлол дуучин, СТА Д.Баасанжав 2015 оны энэ сарын 27, 28-ны өдөр 19:30 цагт “Дунгаамаа” дуун цэнгүүнээ Улаанбаатар чуулгын тайзнаа тоглох гэж байгааг дуулгахад тун таатай байна. Дуучин Д.Баасанжав нь ардын болон нийтийн дууны арвин баялаг сантай бөгөөд түүний дуулсан “Дунгаамаа” дуугаар нь үзэгч фэнүүд нь андахгүй билээ. Тоглолтонд нь Дунгаамаа дуунаасаа гадна Энхриймаа, Сүнжидмаа, Хандармаа, Бүжиймаа, Бүүжиймаа, Анимаа, Хоожиймаа зэрэг ардын болон олноо түгсэн нийтийн дуунуудыг Улаанбаатар чуулгын “Хангарьд” үндэсний хөгжмийн найралтай хамтран дуулахаар тоглолтын бэлтгэлдээ ороод байгаа аж.
Харин энэхүү тоглолттой зэрэгцэн Д.Баасанжав дуучин МУГЖ Ө.Уянгын хадам аав гэдгийг энэ үед олж илрүүллээ. Тэгвэл тус тоглолтонд Ө.Уянга оролцох уу, үгүй юу гэдэг нь таавар байсан бөгөөд тоглолтонд дуулах нь тодорхой болоод байгаа аж. Хадам аав нь дуучин бэрийгээ хүлээн зөвшөөрсөний баталгаа гэсэн шиг тоглолтондоо урьж оролцуулж байгаа бөгөөд Ө.Уянгаас гадна Д.Намсрайноров, Б.Баатархүү, Улаанбаатар чуулгын “Хангарьд” үндэсний хөгжмийн найрал, удирдаач, СТА Д.Нямдаш, Улаанбаатар чуулгын бүжигчид, Улаанбаатар циркийн уран бүтээлчид оролцох гэнэ.
Тоглолтын тасалбарыг Улаанбаатар чуулгын кассаар болон UB лавлах 1900-1617, 98981984, 99996615 дугаарын утсаар захиалан хүргүүлэх боломжтой.
Эх сурвалж: www.grandnews.mn
Сэтгэгдэл (4)