Энэ оныг кино урлагийн хамгийн арвин ургацтай жил гэхэд болно. Учир нь Монголын уран бүтээлчид өдөр ирэх бүр дэлгэцийн уран бүтээлд хүчээ үзэж өөр хоорондоо ширүүхэн өрсөлдөөд буй. Энэ хаврын хамгийн сүүлчийн, энэ зуны хамгийн анхны гэдэг утгаараа “Хар сувдны нууц” адал явдалт инээдмийн кино тун чиг сүртэй нээлтээ хийв. Гол дүрд жүжигчин Д.Дэлгэрсайхан, Г.Алтаншагай, М.Баярбат, М.Намуунцэцэг нар тус тус тоглосон бөгөөд Монголын түүхийн үнэт олдвор Вьетнамд олдож түүнийг эх орондоо авчрах нууц захиалга авсан 4-н хулгайч Вьетнамыг зорино. Үзэсгэлэнт үнэг Цоомоо, бүтэлгүй мухар Ганбаа, дүлий Чинбаа, генерал Батаа нарын хар сувдны төлөөх эцэс төгсгөлгүй өрсөлдөөн алс холын Вьетнамд өрнөсөн. Ингээд “Хар сувдны нууц” киноны нээлтэнд хүрэлцэн ирсэн хүндэт зочдын фотог хүргэж байна.

Эх сурвалж: www.grandnews.mn