Холливудын од Брэд Питтийнх өнөр өтгөн айл. Гэсэн ч Анджелина, Брэд хоёр улам өнөр болохыг хүсч, 4 дэх хүүхдээ үрчилж авсан гэж өрнөдөд шуугиж байна.
Тэд Сирийн 2 настай Мусса гэдэг хүүг өргөж авсан бололтой. Анджелина Джоли анх НҮБ-ын сайн санааны элчийн хувиар Туркт дүрвэгсдийн лагерьт зочлохдоо хүүтэй тааралджээ. Анджелина өнчин хүүгийн түүхийг орчуулагчаас сонсоод уйлсан гэнэ.
“Түүний уйлахыг хараад хүү дөхөж очин Анджелинаг тэвэрлээ. Энэ сэтгэл догдлом мөчийг харсан бүгд инээмсэглэж, инээлдсэн. Анджелина хүүгийн зулай дээр үнсч, дараа нь түүнээс бараг холдоогүй” гэж нүдээр харсан гэрчүүд ярилаа. Одоо Джоли, Питт хоёр бяцхан хүүг хууль ёсны дагуу үрчилж авахаар асуудлаа зохицуулж байгаа аж.
39 настай Анджелина Джоли, 51-тэй Брэд Питт нар 6 хүүхэдтэй. Тэд өөрсдийн төрүүлсэн 3 хүүхдээс (Шайло, ихэр Нокс, Вивьен) гадна Камбодж улсаас Мэддокс, Вьетнамаас Пакс, Этиоп улсаас Захараг өргөж авсан билээ.
Харин дээрх мэдээллийн талаар Холливудын одод одоо хүртэл ямар нэг мэдэгдэл хийсэнгүй.
Сэтгэгдэл (8)