Их Британий дуучин Робби Уильямс удахгүй Оросын Москва, Санкт-Петербург хотод аялан тоглолтоо хийхээр болжээ. Дуучин Робби Уильямсыг дагалдан 8 менеджер, 6 тогооч, 6 бие хамгаалагч, хувийн массажист ирэх юм байна.
Гэхдээ Робби Уильямсыг Орост авч ирэхийн тулд оросууд нэлээд хичээх хэрэг гарах нь. 280 ширхэг алчуур, 6 гал сөнөөгч, Английн 4 сонины шинэ дугаар гээд түүний хүсэлтийг ёсоор болгон, бэлдэж бололгүй яахав.
Мөн Уильямсын шаардсан хувцас солих 3 өрөө, ажилчдад зориулсан 6 өрөө, 5 оффис нэлээд гайхашрал төрүүлсэн ч биелэх боломжтой гэж оросууд үзжээ. Хамгийн хачирхалтай нь Робби Уильямс 30 ширхэг буйдан бэлд гэсэн байна. Тоглолтыг зохион байгуулагчид “Түүний тавьсан бүх шаардлагыг биелүүлэхэд бүхэл бүтэн тавилгын үйлдвэрийн тусламж хэрэг болох байх” гэж мэдэгдэв. Уильямсын хэрэгцээт зүйлсийн жагсаалтад дүүрэн мөстэй том хөргөгч гэж заажээ. Тэр бүү хэл нийт 50 кг мөсний 20 кг нь шөнө бэлдсэн, үлдсэн 30 кг нь үд дунд хийх ёстой гэнэ.
Сэтгэгдэл (4)