Монголын үе үеийн сайхан бүсгүйчүүдийн эгнээнд бичигдэж, 1992 оны Монголын сайхан бүсгүй өргөмжлөл хүртэж байсан Ч.Чулуун-Эрдэнэ зуурдаар ам насаа алдсан харамсалтай мэдээ дуулгаж байгаадаа хүлцэл өчье. Энэхүү харамсалтай хэрэг өнгөрсөн жилийн Валентины баяраар болж өнгөрсөн ч энэ талаархи мэдээлэл олон нийтэд цацагдах нь бүү хэл ойр дотны найзууд нь ч дуулаагүй өдий хүрсэн гэдэг.
Анхны амьдралаа өөрөөсөө арав гаруй ах, өмнө нь амьдрал зохиож байсан боксчин Н.Баярсайхантай эхлүүлж байсан ч нөхрийнхөө хатуу гарт нухлагдаж, гарын шүүс болон гундуухан амьдарч байсан гэдэг. Н.Баярсайхантай амьдарч байхдаа хоёр хөөрхөн хүү төрүүлсэн ч салахдаа хөвгүүдээ аавд нь алдсан мисс Ч.Чулуун-Эрдэнэ нэг хэсэгтээ аав ээжтэйгээ хамт амьдарч байсан гэдэг.
Ийнхүү олон жил аав ээжтэйгээ амьдарч байгаад хоёр дахь амьдралаа чимээгүйхэн эхлүүлсэн мисс Ч.Чулуун-Эрдэнийн дараагийн сонголт Улсын дээд шүүхийн ерөнхий шүүгч Батдэлгэр гэх залуу байлаа. Тэрээр Ч.Чулуун-Эрдэнэтэй амьдарч байх үедээ Ховд, Хөвсгөл аймагт шүүгчээр ажиллаж байсан бөгөөд өдгөө Дээд шүүхэд ажиллаж байгаа гэх. Хоёр дахь нөхөр Батдэлгэрээсээ дахин үрийн зулай үнэрлэсэн гэж шуугиж байсан ч үнэн хэрэгтээ мисс бүсгүй аль хэдийнэ хорвоогийн мөнх бусыг үзсэн байжээ.
Үе үехэн бор дарс хүртэх болсон мисс бүсгүй өнгөрөгч оны хоёрдугаар сарын 14-нд буюу Валентины баяраар Яармаг дахь гэртээ эгчийнхээ хамт ууж байгаад угаартаж нас барсан байна. Зарим нь мисс бүсгүйг “гэртэйгээ шатсан” гэлцэх. Үнэхээр үзэмж гоо, сэтгэл сайтай бүсгүй анхны ханиа буруу сонгосноос болж ийм асуудал гарах эх үүсвэр болсон хэмээн түүний ойр дотныхон болоод найз нөхөд нь харамсаж суугаа гэнэ лээ. Гэр бүл, төрөл төрөгсдөд нь гүн эмгэнэл илэрхийлье!
Эх сурвалж: Grandnews.mn
М.Сонор
Сэтгэгдэл (38)